عودة من جديد
عودة من جديد
"ماتستطيع ان تحلم به تستطيع تحقيقة" والت ديزني
مارس 2015 بيوم وانا
اتكلم مع خالتي جلست تقول يلا وش تنتظرين ارجعي عشان صحتك فقعدت اقولها مابي ارجع
الحين برجع بلحظة اصرار موحماس *نفس العذر مايتغير* وقت مااحنا نسولف دخلت حسابي اللي هجرته لفتره
طوييله ودخلت تغريداتي وجلست اوريها حماسي قبل وكذا ولما جيت اطلع جلست اشوف
بالتايم لاين حسيت يووه غبار وادخل على حسابات بعضهم واقول
"يوه ماشاء الله وصل هدفه" "اووه سوت لي
انفولو"
شوي الا اصادف حساب رش ــيــق @rasheeeeq "يووه غير صورته "
الا الاقي تغريدة له
كاتب انو بنبدأ تحدي وكذا ^في البدايه ماشدني لان اغلب التحديات لازم تنزل صورة
وزنك كل أسبوع يعني ماتنفع للنحاف مثلي .
امعنت النظر الا من
الشروط فقط الالتزام باكل صحي ورياضة!!
كان تحدي #اعدام_التخبيص
مخي اشتغل سريع سريع
اشارك ولا وكنا الفجر خلاص مافي وقت فعلطول قررت وشاركت .
ممم عودتي كانت بدافع
خارجي ^لليوم ادعي لرشيق, الله يجزاه خير يعني فعلا يمكن لو ماكان مسوي تحدي كان يمكن طلعت من الحساب
وانتظر لحظة الاصرار اللي ازعجت الناس فيها, الدافع الخارجي حركني
وخلاني اتحمس لكن لما وقف التحدي هنا توقف الدافع الخارجي وكان المفروض يكون عندي
دافع داخلي لاستمر.
^نعم اني فيلسوفه ههههههه
فبعد انقطاع دام
5شهورعدت من جديد
وهذي جداول تماريني
موثقة في مفكرتي السنويه مع قياسات الجسم
March شهر
البرامج الرياضية
المقاومة : تمارين للمدربة الكورية jung dayeon
الكارديو: مشي
 |
| بديت بوزن 2 باوند |
 |
| قياسات بداية الشهر |
April شهر
جدولي هالشهر مومفهوم وماكنت امشي على جدول معين ركزت على ان لياقتي ترجع وبس.
 |
| الوزن زاد بس القياسات صغرت (نتيجة حلوه) |
 |
May شهر
البرامج الرياضية LesMillsCombat
 |
| بدأت الشهر بنتائج جميله |
 |
| نعم اعترف اني تكيسلت عن التمارين |
ولاني تكيسلت ماتوقعت نتائج ايجابيه ابدا فشقلبت السالفه وقلت ماراح اخذ قياسات شهر June الا بعد ما اخلصه
June شهر
جدول مقاومة شامل عضلي من موقع تحديكم هنا
الكارديو برنامج TaeBo + مشي
 |
| 3 باوند |
 |
| هالشهر جدا بطلله التزمت صح |
بس المفاجئة
 |
| نتائج سلبية :) زادت القياسات والوزن |
عشان كذا قررت اترك الحياة الصحيه للابد لابارك الله فيها
^امزح ههههههه
بعد قراءة و تفكير ونصائح هذي بعض الأسباب اللي ممكن تكون اهي الخلل:
- لما زدت العام مع اني ملتزمة كنت بشهر رمضان ونفس الشي هالمره برمضان فاكيد لخبطة النوم بيأثر سلبا.
- كلتا المرتين كنت واصله مرحله ان لياقتي تمام فكان مفروض اسوي كارديو اعلى من المشي عشان احرق دهون .
- نصحوني ناس اصير احسب سعراتي والاهم احتياجي من الكارب والبروتين والدهون لان انا بمرحلة خفض نسبة دهون وازيد عضل فوضعي مختلف عن السمين اللي يبي ينحف.
توماس أديسون مكتشف الضوء فشل 999 مره ونجح المره 1000 بعد محاوله وصبر
هذا تخطيطي لجدول الشهرين
July & Oct
السؤال هل الخطوة التاليه اكمال لسلسلة الفشل ام إنجاز هدف؟
هذي العبارة حاطتها عند سريري, اهدااااء لكم
"عندما تنتظر الظروف تتحسن فلن تستطيع ان تنجز أي شيء"
أي قرار بحياتك انجزه الان ولا تقول بكرة او الأسبوع الجاي ولا تتعذر باعذار بايخه.
وصلى الله على نبينا محمد.
الله يوفقك ..
ردحذفاستمري ي عزيزتي والله اني ادخل من فتره لفتره حسابك عشان اتحمس
ولله الحمد وصلت لمبتغاي بس ماراح اوقف باذن الله ..
والله يسعدك ويحقق امنياتك اممممممممم
وباي..